Eðlisfræðideildin við Háskólann í Leeds hefur lengi verið leiðandi í þróun á búnaði til myndgæðamælinga á röntgentækjum. Afraksturinn er öflugur prófunarbúnaður sem er kenndur við stofnunina og kallast „Leeds Test Objects“.
- Búnaðurinn byggir á áratuga rannsóknum og mikilli þekkingu við að meta hvernig upplýsingar úr fyrirmynd (object) skila sér til myndlesanda.
- Nýjustu prófunarlíkönin eru gerð fyrir stafrænan búnað.
- Fyrirtækið býður mikið úrval líkana fyrir allar gerðir röntgentækja, en ekki tölvusneiðmyndatæki.
- Sérstök líkön eru í boði fyrir reglubundnar prófanir notenda.
- Leeds Test Objects býður einnig hugbúnað til sjálfvirkar úrvinnslu á myndum sem teknar eru af líkönunum.
Raförninn er umboðsaðili á Íslandi fyrir Leeds Test Objects (LTO).
TOR prófunarlíkön (phantom) fyrir almennt röntgen eru notuð við reglulegt gæðaeftirlit, sem hjá flestum viðskiptavinum Rafarnarins er framkvæmt af geislafræðingum / læknum á staðnum.
TOR FG-18 prófunarlíkön fyrir skyggningu eru einnig notuð hjá mörgum viðskiptavinum fyrirtækisins.
Leeds Test Objects býður upp á fjölbreyttan búnað til annarskonar mælinga, t.d. fyrir brjóstamyndatöku (mammography), fyrir gæðaeftirlit með tannröntgentækjum (dental) og til eftirlits með Digital Subtraction búnaði á skyggnitækjum.
Fjölmargar tegundir prófunarlíkana til að mæla upplausn (resolution test patterns) eru í boði hjá LTO.
LTO býður upp á búnað til að mæla samræmi ljós- og geislareits (beam alignment).
Hugbúnaður til að vinna úr gæðamælingum (analysis software) er líka fáanlegur hjá Leeds Test Objects og hægt er að hala niður prufuútgáfu (trial version) af honum.