Geislafræðingur í Neskaupstað.


                                          Heilbrigðisstofnun Austurlands
                                    Fjórðungssjúkrahúsið í Neskaupstað 


              Geislafræðingur til HSA/FSN …afleysing í fæðingarorlofi… c.a. 1 ár

Geislafræðingur óskast til starfa við Heilbrigðisstofnun Austurlands (HSA) á Fjórðungssjúkrahúsinu í Neskaupstað (FSN) í 1 ár, vegna fæðingarorlofs frá c.a. 1. okt ´08.

Á FSN eru starfandi 4 sérfræðilæknar, ásamt reglulegum komum annara sérfræðilækna frá LSH og FSA á 2 – 6 mánaða fresti. Fjórðungssjúkrahúsið í Neskaupstað starfrækir nú m.a. lyf- og handlæknisdeild auk fæðingadeildar, hjúkrunardeildar, skurðstofu, bráðamóttöku, röntgen- og rannsóknastofu ásamt endurhæfingardeild ofl.þ.h.
Á röntgendeild FSN, sem hefur nýlega verið endurnýjuð, er góð vinnuaðstaða og nýleg röntgentæki ofl. þh. ásamt CT-tölvusneiðmyndatæki frá GE, en úrlestur fer fram hjá FSA.

Launakjör taka mið af kjarasamningum viðkomandi stéttarfélags og stofnanasamningi HSA, ásamt húsnæði á viðráðanlegu verði, þáttaku í ferðakostnaði ofl. þ.h.

Allar frekari upplýsingar um afleysingarstöðuna og mögulegar útfærslur, veita þau Vala Frímannsdóttir, geislafræðingur HSA, vala@hsa.is og Valdimar O. Hermannsson, fulltrúi forstjóra HSA/FSN, valdimarh@hsa.is, sími: 470 1450 og VOH farsími er 860 6770. Umsóknarfrestur er til 15. sept. 2008 og skulu umsóknir, er greina frá reynslu og núverandi starfi, sendar á fyrrgreinda aðila eða til FSN, Mýrargötu 20, 740 Fjarðabyggð. 

Til frekari upplýsinga:
Neskaupstaður í Norðfirði er byggðakjarni innan Fjarðabyggðar, sem er stærsta sveitarfélag á Austurlandi, með um 5.500 íbúa. Upptökusvæði HSA/FSN er allt Austurland en þar búa nú u.þ.b. 15.000 manns og fer ört fjölgandi. Í Fjarðabyggð er rekin öflug þjónusta, verslun og afþreying á svæðinu er fjölbreytt svo og rekstur hótela og veitingahúsa um allan fjórðunginn. Í Neskaupstað er starfræktur grunnskóli, tónskóli og leikskóli ásamt Verkmenntaskóla Austurlands, en einnig er góð aðstaða til íþróttaiðkunnar. Sundlaug, íþróttahús, íþróttavöllur og golfvöllur eru á svæðinu sem og fínasta skíðasvæði í Oddskarði. Náttúrufegurð er mikil á svæðinu enda eru mörg skemmtilegustu göngu- og útivistarsvæði landsins á Austurlandi. www.fjardabyggd.is.

Skildu eftir svar

Netfang þitt verður ekki birt. Nauðsynlegir reitir eru merktir *